Түүхэн замнал

БНМАУ-ын Ардын Сайд нарын Зөвлөлийн 32 дугаар тогтоолоор "Утсан ба радио холбооны түр сургууль" байгуулагдаж, Монгол Улсад холбооны салбарын мэргэжлийн сургалтын анхны суурь тавигдсан.

БНМАУ-ын Сайд нарын Зөвлөлийн 1966 оны 332 дугаар тогтоолоор 1967–1968 оны хичээлийн жилээс эхлэн МУИС-ийн Радио физикийн ангийн 25 оюутныг "Холбооны инженер"-ийн ангид элсүүлснээр холбооны дээд мэргэжлийн боловсон хүчнийг эх орондоо бэлтгэж эхэлсэн.

МУИС-ийн ректорын 221 дүгээр тушаалаар Политехникийн дээд сургуулийн Эрчим хүчний факультетийн бүрэлдэхүүнд "Радио холбооны тэнхим" байгуулагдаж, холбооны инженер-эдийн засагчийн ангийг шинээр нээсэн.

Салбарын анхны төгсөлт болж, 21 төгсөгч холбооны инженерийн диплом хүртсэн.

Холбооны техник мэргэжлийн сургууль болон Төмөр замын техникумын холбооны салбарыг нэгтгэн Холбооны сургалтын төвийг байгуулсан.

Политехникийн дээд сургууль МУИС-ийн бүрэлдэхүүнээс гарч бие даасан сургууль болсон.

"Удирдлагын автоматжуулсан систем, тооцоолох" болон "Автоматик, электроник"-ийн чиглэлийн тэнхимүүд байгуулагдаж, сургалтын чиглэл өргөжин тэлсэн.

Радио холбооны тэнхимийг Инженер-эдийн засгийн факультеттай нэгтгэн "Мэдээллийн техник, автоматжуулалтын факультет" байгуулж, улмаар "Компьютерийн эрдэм шинжилгээний сургалтын төв"-ийг байгуулсан.

Мэдээллийн техник, автоматжуулалтын факультетийг Холбооны сургалтын төвтэй нэгтгэн шаталсан сургалттай Мэдээллийн техникийн сургуулийг "Радио холбоо", "Цахилгаан холбоо", "Мэдээллийн технологи", "Электроник" гэсэн 4 тэнхимтэйгээр зохион байгуулсан.

Компьютерийн эрдэм шинжилгээ, сургалтын төвийг суурь болгон Инженерийн сургалтын төвийг байгуулсан.

Инженерийн сургалтын төвийг Компьютерийн техник, менежментийн сургууль болгон шинэчлэн зохион байгуулсан.

Сургууль төгсөгчдийн холбоо байгуулагдаж, гадаад хэлний сектор ажиллаж эхэлсэн. Мөн "Цахилгаан холбоо", "Радио холбоо" мэргэжлээр магистрын элсэлт авч, ахисан түвшний сургалт эхэлсэн.

Тус сургуулийг "Холбоо, мэдээллийн техникийн сургууль" (ХМТС) хэмээн нэрлэсэн.

БНЭУ-ын Засгийн газрын буцалтгүй тусламжаар "Мэдээлэл, холбооны технологийн сургалтын төв" байгуулагдаж, олон улсын түвшний сургалт, зайн сургалтын орчин бүрдсэн.

Сургуулийн нэрийг "Холбоо, мэдээллийн технологийн сургууль" болгон өөрчилсөн.

Сургуулийн нэрийг "Мэдээлэл, холбооны технологийн сургууль" (МХТС) болгон өөрчилсөн.

МХТС-ийг шинэчлэн зохион байгуулж, "Холбоо", "Электроник", "Компьютерийн ухаан", "Мэдээллийн технологи" гэсэн 4 салбартайгаар үйл ажиллагаа явуулах болсон.

БНСУ-ын буцалтгүй тусламжаар МХТС-ийг чадавхжуулах төсөл хэрэгжиж, сургуулийн сургалт, судалгааны чадавх үлэмж сайжирч түүхийн шинэ хуудсыг нээв.